بڕیارە ئەمڕۆ لە پاریسی پایتەختی فەرەنسا ئاهەنگی كردنەوەی خولی سی و سێهەمینی یارییەكانی هاوینەی 2024 بەڕێوەبچێت.
ئۆڵۆمپیاد سەرلەنوێ لە پاریس ئەنجامدەدرێت، پاش 100 ساڵ لە دوا جاری میواندارێتیكردنی یارییەكان لە ساڵی 1924دا.
لە ئۆڵۆمپیاددا كێبڕكێ لە 329 یاری لە 32 وەرزشی جیاجیادا دەكرێت (28یان یاریی بنەڕەتیی ئۆڵۆمپیادن، چواریان یاریی زیادكراون) بە بەشداری 10 هەزار و 500 وەرزشەوان كە كێبڕكێ لەسەر 306 مەدالیا دەكەن.
یارییەكان لە ئەمڕۆوە دەستپێدەكەن و لە 11ی ئابی داهاتوو كۆتاییان پێدێت.
سەرەتای مەدالیاكان لە رۆژێك دوای رێوڕەسمی كردنەوە دەبەخشرێن، لە یارییەكانی وەك پاسكیلسواری، جۆدۆ و شمشێربازی.
ئاهەنگی كردنەوە كاتژمێر 8:30 بەكاتی هەرێمی كوردستان دەستپێدەكات و نزیكەی چوار كاتژمێر دەخایەنێت و پێشبینی دەكرێت نزیكەی 300 هەزار كەس ئامادەیبن.
