بەهۆی بارانی زۆر و دروستبوونی لافاو، لە چین 11 کەس گیانیان لەدەستدا و زیاتر لە 30 کەسیش بێسەروشوێنن.
ئاژانسی هەواڵی چینی شینخوا بڵاویکردەوە، لە ئەنجامی داڕمانی پردێکی پەڕینەوە بەهۆی بارانی زۆر و لافاوەوە، لە شانغلو، 11 کەس گیانیان لەدەستدا و 30 کەسی دیکە بێسەروشوێنن، تیمە فریاگوزارییەکان سەرقاڵی دۆزینەوەیانن.
پردەکە نزیکەی 900 کیلۆمەتر لە باشووری رۆژئاوای پەکینەوە دوورە و بەشێکیشی دەکەوێتە سەر ئاوی رووبارێک.
تیمەکانی فریاگوزاری پێنج ئۆتۆمبێلیان هێناوەتە سەر رووی رووبارەکە و لەنێویاندا ئەو 11 کەسە هەبوون کە گیانیان لەدەستداوە.
