زیاتر لە 20 رۆژە مێردمنداڵێکی بە رەگەز عەرەب لە پرۆژەی گەشتیاریی ئێنێ لە قەزای چۆمان ونبووە و تا ئێستا چارەنووسی نادیارە.
بەڕێوەبەرایەتیی بەرگریی شارستانیی سۆران بڵاویکردەوە، لە 7 ی ئەم مانگەوە مێردمنداڵێکی تەمەن 14 ساڵان بە ناوی مریەم ئیسماعیل لەگەڵ خانەوادەکەی کە بەرەگەز عەرەبن روویان لە پرۆژەی گەشتیاریی ئێنێ کردبوو، ونبووە و تا ئێستا چارەنووسی نادیارە.
ئاشکراشیکرد، مێردمنداڵەکە نەخۆشی بیرکۆڵی هەبووە، تا ئێستا ئەوە یەکلایی نەبووەتەوە کەوتووەتە ناو رووباری چۆمان و خنکاوە یاخود ونبووە.
باسیلەوەشکرد، گەڕان لە ئاو و وشکانی بەدوای مێردمنداڵەکە بەردەوام دەبێت تا یەکلاکردنەوەی چارەنووسی.
