لە گەڕەکی شۆڕیجەی کەرکوک باوکێک دەستڕێژی گولـلەی لە کوڕەکەی کرد و برینداری کرد.
پەیامنێری تۆڕی میدیایی ئێستا گواستییەوە، بەرەبەیانی بەیانی ئەمڕۆ لە گەڕەکی شۆڕیجەی کەرکوک باوکێک دەستڕێژی گولـلەی لە کوڕەکەی کردووە و برینداری کردووە.
ئاماژەی بەوەشکرد، رووداوەکە لە نزیک ماڵی فەرماندەیەکی پۆلیسی کەرکوک روویداوە، دوای رووداوەکە راستەوخۆ تۆمەتبارەکە لەلایەن پاسەوانانی ماڵەکەوە دەستگیرکراوە و رادەستی بنکەی پۆلیسی ئازادی کراوە.
ئاشکراشیکرد، کوڕەکە دوو فیشەکی بەرکەوتووە و لە نەخۆشخانە لەژێر چاودێریدایە، لێکۆڵینەوە لەگەڵ باوکەکە بەردەوامە و تا ئێستا هۆکاری رووداوەکە نەزاندراوە.
