دەزگای ئاسایشی هەرێمی کوردستان رایگەیاند، پێنج بازرگان و بەکارهێنەری ماددەی هۆشبەریان دەستگیرکردووە و دەستیشگیراوە بەسەر شەش کیلۆگرام ماددەی هۆشبەردا.
بەپێی راگەیەندراوی دەزگای ئاسایشی هەرێمی کوردستان، لە شاری سلێمانی و سنووری ئیدارەی راپەڕین، پێنج تۆمەتبار دەستگیرکراون کە بازرگان و بەکارهێنەری ماددەی هۆشبەر بوون، هەروەها دەستگیراوە بەسەر شەش کیلۆگرام ماددەی هۆشبەر جۆری (مەریوانە و شیشە)دا.
ناسنامەی تۆمەتبارەکان بەمجۆرەیە، ٠ ( آ، ڕ، س ) لەدایکبووی 1969، ( ئ، ن، ی ) لەدایکبووی 1983، ( آ، ق، آ ) لەدایکبووی 1985، ( ه، ن، ح ) لەدایکبووی 1994 و ( ئ، ن، ن ) لەدایکبووی 1994.
بەپێی راگەیەندراوەکە سەرجەم تۆمەتبارەکان بە ماددەکانی (25 و 26 و 30 ) راگیراون و لێکۆڵینەوە لە دۆسیەکانیان بەردەوامە.
