توێژینەوەیەک ئاشکرایکردووە، ئەو کەسانەی تەمەنیان لە سەرووی 50 ساڵەوەیە و رێژەی میلاتۆنین لە جەستەیاندا بەرزە، ئەگەری تووشبوونیان بە تێکچوونی چاو بەهۆی تەمەنەوە کەمتر دەبێتەوە.
توێژینەوەکە ئاماژەی بەوەکردووە، میلاتۆنین دەتوانێت مەترسی تووشبوون بە تێکچوونی چاوی پەیوەندیدار بە تەمەنەوە (AMD) کەم بکاتەوە.
گلێن یو، پزیشک و مامۆستا لە زانکۆی کالیفۆرنیا دەڵێت، توانای ئەم تەواوکەرە بۆ کەمکردنەوەی مەترسییەکانی AMD سەرنجڕاکێشە.”
چەند خۆراکێک هەن یارمەتی جەستە دەدەن بۆ دەردانی ماددەی میلاتۆنین و تەندروستی جەستەیی و دەروونی بەرزدەکەنەوە، بەو پێیەی ئەم خۆراکانە تریپتۆفانیان تێدایە کە ترشێکی ئەمینییە و بەشدارە لە بەرهەمهێنانی مادەی میلاتۆنین و ئەوانیش بریتین لە:
- پەلەوەر، بە مریشک و قەلەوە.
- ماسی، چونکە رێژەیەکی بەرزی ڤیتامین B6 لەخۆدەگرێت، بەتایبەتی ماسی سەلەمون و تونە کە یارمەتی بەرهەمهێنانی میلاتۆنین دەدەن.
- ماست، کالیسیۆمی تێدایە و رۆڵی لە بەرهەمهێنانی میلاتۆنینیشدا هەیە.
- مۆز، دەوڵەمەندە بە پۆتاسیۆم، کە یارمەتیت دەدات لە شەواندا بە باشی بخەویت.
5- دانەوێڵەی تەواو: دانەوێڵەی تەواو بە سەرچاوەیەکی نایابی مەگنیسیۆم ناسراوە، کە کاردەکات بۆ بەرەنگاربوونەوەی کەمخەوی.
