لەبەر زۆریی ژمارەی توشبووانی کۆرۆنا و بەردەوامی هەڵکشانی ئامارەکانی کۆرۆنا لە سلێمانی، بەڕێوەبەرایەتیی تەندروستیی سلێمانی بڕیاردا نەخۆشخانەی فریاکەوتنی سلێمانی تایبەت بکات بە نەخۆشانی.
دکتۆر سەباح هەورامی بەڕێوەبەری گشتیی تەندروستیی سلێمانی ڕایگەیاند، دوای بەرزبوونەوەی ڕێژەی توشبووانی ڤایرۆسی کۆرۆنا لەسنووری پارێزگای سلێمانی لەئێستادا ئامادەکاری دەکرێت بۆکردنەوەی (نەخۆشخانەی فریاکەوتن بۆ توشبوانی ڤایرۆسی کۆرۆنا )، نەخۆشخانەکە تایبەت دەکرێت بۆ چارەسەری توشبووانی ڤایرۆسی کۆرۆنا.
بەڕێوەبەری گشتیی تەندروستیی سلێمانی ئاماژەی بەوەشکردووە، هۆکارەکەی بۆئەوەدەگەرێتەوە بەڕێژەیەکی زۆر ژمارەی توشبووانی کۆرۆنا لە سنووری پارێزگای سلێمانی زیادیکردووە.
داواش لە هاوڵاتییان دەکات ڕێنماییەکانی خۆپارێزی جێبەجێبکەن .
