لە گەرمیان دوو کەس بە رووداوی هاتووچۆ برینداربوون

لەسەر رێگای کەلار -جەلەولا نزیک ناحیەی کۆکس بەهۆی پێکدادانی دوو ئۆتۆمبێل دوو کەس برینداربوون.

بەڕێوەبەرایەتیی هاتوچۆی گەرمیان بڵاویکردەوە، لەنزیک ناحیەی کۆکس دوو ئۆتۆمبێلی جۆری تۆیۆتا لاندکروزەر و فۆرد پێکیانداداوە، بەهۆیەوە شۆفێری هەردوو ئۆتۆمبیلەکە برینداربوون و گواسترانەوە بۆ نەخۆشخانەی فریاکەوتنی شەهید هەژار لەکەلار، لەلایەن تیمی هاتووچۆوە لێکۆڵینەوە لە رووداوەکە دەستیپێکردووە.