هێزەكانی بەڕێوەبەرایەتیی گشتیی دژەتیرۆر بە هاوبەشی لەگەڵ دەزگای دژەتیرۆری عێراق و هاوپەیمانی نێودەوڵەتیی بۆ بەرەنگاربوونەوەی تیرۆریستان، هەڵمەتێكی كێوماڵكردنی ئەنجامدا بۆ لەناوبردنی مۆڵگەی تیرۆریستان.
لە راگەیەندراوەكەدا هاتووە، توانرا ژمارەیەك حەشارگە و پەناگە خاپوور بكرێن ژمارەیەك كەلوپەل و ئازووقە كە لەلایەن گروپە تیرۆریستیەكانەوە بەكاردەهات لەناوببرێت.
ئاماژە بۆ ئەوەش كراوە، هەڵمەتەكە بەشێكە لە هەوڵە بەرفراوان و بەردەوامەكانی بەڕێوەبەرایەتیی گشتیی دژەتیرۆر و دەزگا ئەمنییەكانی عێراق و هەرێمی كوردستان بۆ لەناوبردنی پاشماوەی تیرۆریستان و هەر گروپ و رێكخراوێك بیەوێت مەترسیی بخاتە سەر ئارامی و ئاسایشی خەڵك.
