ئەدھەم بارزانی دەڵێت، “دوو ساڵە رێگانادرێت بچمەوە زێدی خۆم، لە بەرامبەر پێشلێكردنی مافەكانم سكاڵا تۆماردەكەم”.
ئەدھەم بارزانی لە راگەیەندراوێكیدا بۆ رای گشتیی عێراق و كوردستان و نوێنەرایەتیی نەتەوە یەكگرتووەكان و كونسوڵخانە و نوێنەرایەتیی وڵاتان لە ھەرێم و عێراق رایگەیاندووە، “دوو ساڵ پێش ئێستا بە پێچەوانەی یاساكانی كوردستان و دەستووری عێراق لەڕێگای هێزەوە رێگایان نەداوە بگەڕێمەوە بۆ زێدی خۆم”.
دەشڵێت، “ئەو بڕیارە نادەستووری و نادادپەروەرییە تا ئەمڕۆ بەردەوامە، هۆكارەكەشی ئەوە بوو چەند ھەڵوێستێكی جیاوازم نیشانداوە”.
لە بەشێكی دیكەی راگەیەنراوەكەیدا ھاتووە، “بە نیازن رۆڵی سیاسیی خۆیان لە ھەڵبژاردنی داھاتووی ھەرێمی كوردستان ببینن و بۆ ئەو مەبەستەش لە دادگا سكاڵا تۆماردەكات و داوا لە سەرۆكی ئەنجومەنی قەزایی و دادگای فیدڕاڵی دەكات مافەكانی بۆ بگەڕێننەوە”.
