شەپۆلێکی گەرما هیندستانی گرتووەتەوە و بەو هۆیەوە 14 کەس گیانیان لەدەستدا.
پلەی گەرمی لە هەفتەی رابردوودا لە هەندێک ناوچەی وڵاتەکە گەیشتە 49.9 پلەی سیلیزی.
ئەو شەپۆلە گەرمایەی هیندستانی گرتووەتەوە وای لە بەرپرسانی وڵاتەکە کرد بڕیاری داخستنی بەشێکی خوێندگەکان بدەن.
حکومەتی ویلایەتی بیهار، لە بەیاننامەیەکدا بڵاویکردووەتەوە، لەو ویلایەتەدا 14 کەس گیانیان لەدەستداوە، کاتێک پلەی گەرمی 44 پلەی سیلیزی تێپەڕاندووە.
لە وڵاتی هیندستان، مانگەکانی نیسان، ئایار و حوزەیران لە زۆربەی ناوچەکان گەرمن، بەدوایدا بارانبارینی وەرزی دەستپێدەکات و کەشوهەوا سارد دەبێت، بەڵام گەرمای زۆر بە خێرایی بووەتە هۆی دروستبوونی قەیرانی تەندروستیی گشتی لە هیندستان.
