بەڕێوەبەرایەتیی تەندروستیی سەڵاحەدین بڵاویکردەوە، ژمارەیەک باڵندە لە رۆژئاوای قەزای تکریت مرداربوونەتەوە.
موعەمەر عەبدولمحسن بەڕێوەبەری تەندروستیی سەڵاحەدین رایگەیاند، زانیارییمان بەدەستگەیشتووە ژمارەیەک باڵندە لە ناوچەی عەین فەرس_ی رۆژئاوای قەزای تکریت کە ناوچەیەکی تا رادەیەک چۆڵە لە دانیشتووان ژمارەیەک باڵندە بڵاوبوونەتەوە.
ئاماژەی بەوەشکرد، تیمێکی تەندروستی و ڤێتێنەری سەردانی شوێنەکەیان کردووە و نموونەی پشکنینەکانیان وەرگرتووە، بۆ دڵنیابوونەوە لەوەی هۆکارەکەی ئەنفلۆنزای باڵندە بووە یان نا.
میدیا عێراقییەکان لە زاری سەرچاوەیەک لە تەندروستیی سەڵاحەدین ئاشکرایانکردووە، هۆکاری مرداربوونەوەی باڵندەکان ئەنفلۆنزای باڵندە بووە.
