عێراق لەنێو چارەكی یەكەمی لیستی وڵاتانی جیهاندایە لەڕووی بەكارهێنانی كارەباوە، ریزبەندی 50ی لە لیستەكەدا گرتووە بە بەكارهێنانی 52 تێراوات/ كاتژمێری ساڵانە.
ریزبەندییەكەی عێراق لەنێو 210 وڵاتی جیهاندایە، بەڵام بە بەراورد بە ژمارەی دانیشتووان لە پلەی دواوەیە، چونكە هەریەك لە كوەیت، ئیمارات و سعودیە بەراورد بە عێراق خاوەن ژمارەیەكی كەمتری دانیشتووانن و جەزائیر-یش لە ژمارەدا لێیەوە نزیكە، بەڵام لە ریزبەندییەكەدا لە پێشەوەدان.
بەپێی ریزبەندییەكە چین لە پلەی یەكەمدایە لەڕووی بەكارهێنانی زیاتر لە هەشت هەزار و 500 تێراوات لە كاتژمێرێكدا بە درێژایی ساڵێكی تەواو، ویلایەتە یەكگرتووەكان لە ریزبەندی دووەم دێت بە زیاتر لە چوار هەزار تێراوات و هیندستان-یش سێیەم وڵاتە بە زیاتر لە هەزار و 460 تێراوات.
لەسەر ئاستی وڵاتانی عەرەبیش، سعودیە لە پلەی یەكەم و 11ی جیهاندایە بە بەكارهێنانی 393 تێراوات، میسر دووەمی وڵاتانی عەرەبی، ئیمارات سێیەم، كوەیت چوارەم، جەزائیر پێنجەم و عێراق شەشەمی وڵاتانی عەرەبییە بە بەكارهێنانی 52 تێراوات/ كاتژمێرێك.
