وەزارەتی تەندروستیی هەرێم ئاگادارییەکی بۆ هاوڵاتییان بڵاوکردەوە و داوا دەکات، هەموو لایەک خۆیان دوور بگرن لە هەر دەرمان یان هەر پێداویستیەکی پزیشکی بێ ستیکەری کوالیتی کۆنتڕۆڵ.
وەزارەتی تەندروستیی هەرێم روونیکردووەتەوە، دەرمان و پێداویستی پزیشکی بەبێ کوالیتی کۆنتڕۆڵ بە دەرمانی نایاسایی و قاچاغ دادەنرێت، داواش دەکات، “تکایە ئەگەر بینیت بێ ستیکەرە، وەریمەگرە و مەیکڕە و هەواڵی تیمی چاودێری بدە.”
جەختی لەوەشکردووەتەوە، هەموو کۆمپانیا و کۆگا و دەرمانخانەکان ئاگادارکراونەتەوە، لە هەر شوێنێک دەرمان و پێداویستی پزیشکی بێ ستیکەر هەبێت، مامەڵەی تاوانی لەگەڵدا دەکرێت و سزای توند دەدرێت.
