ئێوارەی ئەمڕۆ لە كاتی داخستنی بازاڕی ئاڵوگۆڕی دراو، بەهای دۆلار بەرامبەر بە دینار زیاتر دابەزی و 100 دۆلار بە 145 هەزار و 500 دینار مامەڵەی پێوەكرا.
بەیانیی ئەمڕۆ یەكشەممە، لە كاتی كردنەوەی بازاڕی ئاڵوگۆڕی دراو، 100 دۆلار بە 145 هەزار و 750 دینار مامەڵەی پێوەكراوە.
جێی ئاماژە بۆ كردنە، دابەزینی بەهای دۆلار بەرامبەر بە دینار دوای گرتنەبەری چەند بڕیار و رێكارێكە لەلایەن حكومەت و بانكی ناوەندیی عێراقەوە كە كاریگەريی لەسەر دابەزینی بەهای دۆلار بەرامبەر بە دینار هەبووە.
