کۆمسیۆن رێکارەکانی سکاڵا و تانەدانی بۆ هەڵبژاردنی هەرێم بڵاوکردەوە

کۆمسیۆنی باڵای سەربەخۆی هەڵبژاردنەکانی عێراق رێکارەکانی تۆمارکردنی سکاڵا و تانەدان لە ئەنجامەکانی بۆ هەڵبژاردنی ساڵی 2024ی هەرێم بڵاوکردەوە.
بە گوێرەی راگەیەندراوەکەی کۆمسیۆن، پێشکەشکردنی تانە لەماوەی دوو رۆژ دەبێت دوای راگەیاندنی وادەی تانەدان و لە رۆژی دووەمدا لەگەڵ تەواوبوونی دەوامی رەسمی، تانەدان رادەگیرێت.
ئاماژە بەوەشکراوە، کاندیدان و دەنگدەران و نوێنەری پارتە سیاسییەکان و نوێنەری هاوپەیمانییەکان دەتوانن داواکاری پێشکەش بکەن بۆ ژماردنەوەی دەنگدەکان بەشێوەی دەستی.