وەزارەتی كارەبای هەرێم رایدەگەیەنێت، لە كۆبوونەوەی ئەمڕۆی ئەنجومەنی وەزیراندا بڕیاری لێخۆشبوونی 20% بۆ قەرزی كارەبا دەركرا و وەك وەزارەت كارئاسانی بۆ هاوبەشەكانی كارەبا دەكرێت و رێنمایی و گشتاندنی بۆ دەردەكرێت.
بەپێی راگەیەندراوێكی وەزارەتی كارەبای هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، ئەنجومەنی وەزیران لە كۆبوونەوەی هەفتانەی خۆیدا بڕیاریدا لێخۆشبوونی 20% بۆ قەرزی كارەبا دەربكات.
هەر لە لە راگەیەندراوەكەدا هاتووە، بۆ كارئاسانی بۆ هاوبەشانی كارەبا رێنمایی و گشتاندنی پێویست بۆ فەرمانگەكانی فرۆشتنی وزە دەردەكرێت.
