پارێزگای کەرکوک رایگەیاند، لە مانگی رەمەزاندا، دەوامی فەرمانبەرانی دامودەزگاکانی سەر بەو پارێزگایە کەمکرایەوە.
بەپێی راگەیەندراوێکی پارێزگاکە، بە بڕیاری رێبوار تەها پارێزگاری کەرکوک، لە هەموو فەرمانگە و یەکە ئیدارییەكان لە مانگی رەمەزانی پیرۆزدا، رۆژانە یەک كاتژمێر دەوامی فەرمانبەران کەمدەکرێتەوە.
شەوی رابردووش، پارێزگای هەولێر هەمان بڕیاری دا و لەبارەی شێوازی جێبەجێکردنەکەشیەوە رایگەیاند، نیو كاتژمێر لە کاتی بەیانیان و نیو کاتژمێر لە کاتی تەواوبوونی دەوامی فەرمی، لە کاتی دەوام کەمدەکرێتەوە.
