نزار ئامێدی رایدەگەیەنێت، مووچەخۆرانی هەرێم خۆیان سەرپشكن لە چ بانكێك مووچەكانیان تەوتین دەكەن و پێویستە مووچەخۆرانی هەرێم هاوشێوەی مووچەخۆرانی عێراق مووچەكانیان وەربگرن.
وتیشی، “نووسراوی رەسمیمان هەیە و ئاراستەی سەرۆك وەزیرانی عێراق و وەزارەتی دارایی و دادگای فیدراڵیی عێراقمان كردووە كە بڕیاری دادگای فیدراڵیی عێراق روونە و مووچەخۆران سەرپشكن لە چ بانكێك مووچەكانیان تەوتین دەكەن”.
دەشڵێت، “ئێمە لەگەڵ ئەوەین مووچەخۆرانی هەرێم سەرپشك بن لە چ بانكێك مووچەكانیان تەوتین بكەن و هاوشێوەی مووچەخۆرانی عێراق مووچەكانیان وەربگرن”.
