ئەندامێکی لیژنەی دارایی ئەنجومەنی نوێنەرانی عێراق رایگەیاند، تا ئێستا هەموواری یاسای بودجە لە ئەنجومەنی وەزیرانە و هیچ وادەیەک نییە بۆ ناردنی بۆ ئەنجومەنی نوێنەران.
مستەفا کەرعاوی ئەندامی لیژنەی دارایی ئەنجومەنی نوێنەرانی عێراق رایگەیاند، لە دوایین کۆبوونەوەی لیژنەکەمان تەیف سامی وەزیری دارایی پێیراگەیاندین پرۆژە هەمواری یاسای بودجە لە ئەنجومەنی وەزیرانە، بەڵام تا ئێستا نازاندرێت کەی کارەکانی تەواو دەکەن و رەوانەی ئەنجومەنی نوێنەرانی بکەن.
ئاماژەی بەوەشکرد، دیوانی چاودێری دارایی ئەنجومەنی وەزیرانی ئاگادارکردووەتەوە پێش کۆتاییهاتنی ساڵی دارایی هەموارەکە رەوانەی ئەنجومەنی نوێنەران بکەن، بەڵام ساڵی دارایی کۆتاییهات و تا ئێستا نەنێردراوە.
