مەحمود چەلەبی، سەرۆکی پارتی ئیرادەی میللی تورکمان رایگەیاند کورسی کۆتاکان لەدەست هەندێک کەس بوون کە بە هیچ جۆرێک مافی تورکمانیان نەدەپاراست و تەنها سەرقاڵی بەرژەوەندی تایبەتی خۆیان بوون، بەهۆی ئەوانیشەوە تورکمانەکان لە چوون بۆ هەڵبژاردن کشانەوە.
سەرۆکی پارتی ئیرادەی میللی تورکمان راشیگەیاند، بەهۆی ئامادەنەبوونیان بۆ هەڵبژاردن بەشداری ئەم هەڵبژاردنە ناکەن، بەڵام لە هەڵبژاردنەکانی دیکە بەشداری دەکەن و راشیگەیاند لەگەڵ گۆڕینی شێوازی کورسی کۆتاکاندان بەهۆی ئەوەی لە رابردوودا ئەو کورسیانە خراپ بەکارهێندران.
