دەزگای ئاسایشی هەرێم تاوانباری كوشتنی مامۆستاكەی ئەمڕۆی چەمچەماڵی دەستگیركرد.
لە راگەیەندراوەكەی دەزگای ئاسایشی هەرێمدا هاتووە، لە میانەی بەدواداچوون و گەڕان بەدوای تاوانباری سەرەكی و كۆكردنەوەی زانیاری و چڕكردنەوەی هەوڵەكان بۆ دۆزینەوەی بكوژی مامۆستا( ل.ا.ح)سەرجەم رێكارە پێویستەكان گیرانەبەر و توانرا لە لەلایەن بەشی ئاسایشی بازگەكان تاوانبار (ه.ح.س) دەستگیربكات و رووبەڕوی یاسای بكاتەوە.
هەر لە راگەیەندراوەكەدا هاتووە، لەئەنجامی لێكۆڵینەوەی سەرەتایی لەگەڵ تۆمەتباردا دانی بەتاوانەكەیدا ناوەو لێكۆلینەوە بەردەوامە بۆ گەیشتن بە هۆكاری ئەنجامدانی تاوانەكە.
دەشڵێت، “تاوانبار پێشینەی تاوانی هەیە و ماوەی پێنج ساڵ حوكم دراوە بەماددەی تیرۆر لەسەر بیری توندڕەوی چوونە ناو گروپی تیرۆریستی داعش و كاركردن لەگەڵیاندا”.
