فەرمانبەرانی چەند فەرمانگەیەکی سلێمانی، بایکۆتی کاریان راگەیاند.
ئەمڕۆ یەکشەممە 17ی ئازاری 2024 فەرمانبەرانی بەڕێوەبەرایەتیی خانەنشینی پێشمەرگە، فەرمانگەی دادنووسی بەکرەجۆ و بەشێکی فەرمانبەرانی بەرێوەبەرایەتیی ئاوی سلێمانی، بەهۆی دواکەوتن و دابەشنەکردنی مووچەوە بایکۆتی دەوامیان راگەیاند.
ئەوە لەکاتێکدایە بەیانیی ئەمڕۆ کارمەندانی بەڕێوەبەرایەتیی هاتوچۆی سلێمانی بایکۆتی دەوامیان راگەیاند.
ئێستا لە کۆتاییەکانی مانگی ئازار نزیکدەبینەوە، هێشتا مووچەخۆرانی هەرێم مووچەی مانگی شوباتی ئەمساڵیان وەرنەگرتووە، و چارەنووسی مووچەی سێ مانگی کۆتایی ساڵی رابردوو بە نادیاریی ماوەتەوە.
