وەزارەتی سامانە سروشتییەكان ڕایگەیاند، هاوڵاتییان دڵنیادەكەینەوە لەڕێگەی پاڵپشتی نرخی بەنزین و بە هەماهەنگی لەگەڵ كۆمپانیاكان هەموو ڕێكارێك دەگیرینە بەر بۆ زیادبوونی بەرهەمهێنانی ناوخۆ و خستنەڕووی بەنزینێكی زیاتر.
بەپێی ڕاگەیەندراوێكی وەزارەتی سامانە سروشتییەكان تێیدا هاتووە، حكومەتی هەرێمی كوردستان پاڵپشتی دارایی بۆ چارەسەركردنی كێشەی گرانبوونی نرخی بەنزین دەكات و بەشێكی زۆری ڕسوومات و باجەكان لەسەر هاوردەكردنی بەنزین هەڵدەگرێن و كار ئاسانی پێشكەش بەهەموو كۆمپانیاكان دەكات بۆ هێنانی بەنزین بەمەرجێك كاریگەریی لەسەر كواليتی بەنزین و تەندروستیی هاوڵاتییان نەبێت.
لە ڕاگەیەندراوەكەدا هاتووە، هاوڵاتیانیش دڵنیادەكەینەوە لەماوەیەكی كورتدا كۆنترۆڵی نرخی بەنزین دەكەین.
