دوای کوژرانی ژنێک لە هەولێر، پۆلیسی هەولێر رایگەیاند، تۆمەتباری رووداوەکە خۆی رادەست کرد.
ئەمڕۆ پێنجشەممە، بەڕێوەبەرایەتیی پۆلیسی هەولێر رایگەیاند، دوای ئەوەی لە رووداوێکی کوشتن ئاگادارکراینەوە، راستەوخۆ هێزەکانمان گەیشتنە شوێنی رووداوەکە و دەرکەوت کە پیاوێک لەسەر کێشەی کۆمەڵایەتی هاوسەرەکەی کوشتووە.
ئاماژەی بەوەشداوە، رووداوەکە لە قەزای بنەسەڵاوە روویداوە و تۆمەتباری رووداوەکە دوای ئەنجامدانی تاوانەکە خۆی رادەستی هێزەکانی پۆلیس کردووە.
ئەوەشی خستووەتەڕوو، تۆمەتبار دانی بە تاوانەکەیدا ناوە و لەئێستادا بە بڕیاری دادوەر راگیراوە و پەڕاوی لێکۆڵێنەوە کراوەتەوە.
