شێوازی رۆیشتنمان بەشێکی گرنگە لە ناسنامەی کەسیمان، رەنگە شێوازی رۆیشتن رەنگدانەوەی شێوازی ژیان و مەیل و سیفەتی کەسایەتیمان بێت.
تیمێکی توێژەرانی زانکۆی ماریمۆنت لە ئەمریکا توێژینەوەیەکیان لەسەر شێوازی رۆیشتن بۆ کۆمەڵە کەسێک ئەنجامداوە بە بەکارهێنانی چەند پرسیار و تاقیکردنەوەیەک.
ئەنجامەکان دەریانخستووە کە پەیوەندییەکی نزیک لە نێوان شێوازی رۆیشتن و هەندێک تایبەتمەندی سەرەکی کەسایەتیدا هەیە، وەک:
– سەربەخۆیی: رۆیشتن بە هەنگاوی جێگیر و دڵنیا، زیاتر پەیوەستە بە کەسایەتی سەربەخۆ و بەهێزەوە.
– کراوەیی بەرامبەر بە ئەزموونی نوێ: ئەو کەسانەی بە هەنگاوی خێرا دەرۆن، کەسانی کراوەن بەڕووی ئەزموونە نوێیەکاندا.
– متمانە بەخۆبوون: ئەوانەی بەشێوەیەکی راست دەڕۆن و سەریان بەرزدەکەنەوە لەکاتی رۆیشتندا، سیفەتی کەسایەتییان گوزارشت لە متمانە بەخۆبوون و گەشبینی دەکات.
توێژینەوەکە گەیشتە ئەو ئەنجامەی کە شێوازی رۆیشتنمان دەتوانێت کاریگەری قووڵی لەسەر کەسایەتی و شێوازی بیرکردنەوەمان هەبێت.
هەندێک هۆکار هەن کاریگەرییان لەسەر شێوازی رۆیشتنمان هەیە، کە بریتین لە:
– تەمەن: منداڵان جیاوازتر لە گەورەکان دەڕۆن، هەروەها کەسانی بەتەمەن جیاوازتر لە گەنجان دەڕۆن.
– تەندروستی: نەخۆشی و برینداربوون کاریگەری لەسەر شێوازی رۆیشتنمان هەیە.
– مەزاج: هەستەکانمان کاریگەرییان لەسەر شێوازی رۆیشتنمان هەیە، بۆ نمونە کەسێکی دڵتەنگ جیاوازتر لە کەسێکی دڵخۆش دەڕوات.
– کەسایەتی: سیفەتی کەسایەتی کاریگەری لەسەر شێوازی رۆیشتنمان هەیە، بۆ نمونە کەسێکی متمانە بەخۆبوون بەشێوەیەکی جیاوازتر لە کەسێکی شەرمن دەڕوات.
