وەزارەتی کارەبای هەرێم رایدەگەیەنێت، ئەنوەر حەمە سەعید وەک بەڕێوەبەری نوێی گشتیی کارەبای سلێمانی دەستبەکاردەبێت.
لە راگەیەندراوێکدا وەزارەتی کارەبای هەرێم ئاماژە بەوە دەکات، “بە ئامادەبوونی كەمال محەمەد ساڵح، وەزیری کارەبا و بەرپرسانی وەزارەت، رێوڕەسمی رێزلێنان و سوپاسکردنی سالار حوسامەدین، بەڕێوەبەری پێشووی گشتیی کارەبای سلێمانی و دەستبەکاربوونی ئەنوەر حەمە سەعید، بەڕێوەبەری نوێ بەڕێوەچوو”.
دەشڵێت، “وەزیری کارەبا سوپاسی بەڕێوەبەری گشتیی پێشووی کارەبای سلێمانی کرد و هیوای سەرکەوتنیشی بۆ بەڕێوەبەری نوێی کارەبا خواست”.
