درەنگانی شەوی رابردوو ئاگرێک لە باڵاخانەی ئەنجومەنی وەزیران لە پارێزگای هەولێر کەوتەوە و بەرگری شارستانیی هەولێریش رایگەیاند، “ئاگرەکە زوو کۆنترۆڵ کراوە و دەرکەوتووە بەهۆی تەقینی بۆیلەرەوە بووە.”
کاروان میراودەلی وتەبێژی بەرگریی شارستانیی هەولێر بە تۆڕی میدیایی ئێستای راگەیاند، شەوی رابردوو، کاتژمێر( 12:50) خولەکی شەو ژووری کۆنترۆڵی بەرێوەبەرایەتیی بەرگریی شارستانیی هەولێر ئاگادارکرایەوە لە رووداوێکی ئاگرکەوتنەوە لە باڵاخانەی ئەنجومەنی وەزیران، دەست بەجێ تیمەکانیان گەیشتنە شوێنی رووداوەکە و ئاگرەکە کۆنتڕۆڵکرا.
ئاماژەی بەوەشکرد، دەرکەوت هۆکاری تەقینی بۆیلەرێکی تاییەت بە ئاو گەرم کردن بووە لە بەشی چێشتخانەیەک، دواجار بووەتە هۆی کارلێک و تەقینی یەکێک لە بوتڵی غازەکان لەو جێگایەدا، و زیانی گیانی بەدواوە نەبووە، تەنها زیانێکی بچووکی ماددی بوونی هەبووە.
