بەڕێوەبەرایەتیی تەندروستی هەولێر لە ڕوونکردنەوەیەکەدا بڵاویکردەوە، ئەو کەسەی ئەمبۆلانسەکەی بردبوو، مەست نەبووە و ویستوویەتی تەرمی کەسێکی نزیکی پێبگوێزێتەوە.
بەڕێوەبەرایەتیی تەندروستی هەولێر ئەمڕۆ دووشەممە لە ڕوونکردنەوەیەکدا بڵاویکردەوە، ” ئەو کەسەی دەنگۆی ئەوە بڵاوکرایەوە لەسەری کە ئەمبۆڵانسێکی ڕفاندووە، کارمەندی فەرمی یەکەی فریاگوزارییە و هەڵە تێگەیشتن هەبووە لە بابەتەکە بەهۆی لەدەستدانی کەسێکی نزیکی ئەم شۆفێرە دیارە باری دەروونی لە حاڵەتی شپرزە دەبێت وە ئەم شۆفێرە بەهیچ شێوازێك ماددەی کحولی بەکارنەهێناوە و ئوتۆمبێلەکەی نەدزیوە”.
ئاشکراشیکردووە، “ئەو کارمەندە ویستوویەتی تەرمی کەسە نزیکەکەی خۆی بە ئەمبۆڵانسەکە بگوازێتەوە و مەبەستی ڕفاندنی نەبووە”.
ئەمە لەکاتێکدایە، ئەمڕۆ دووشەممە پۆلیسی هەولێر ڕایگەیاند، کەسێک لە ژێر کاریگەری ماددە کحولییەکاندا ئەمبۆڵانسێکی تەندروستی هەولێری ڕفاندووە و دوای ماوەیەک دەستگیرکراوە.
