رێباز حەملان بریكاری پێشووی وەزارەتی دارایی عێراق دەڵێت، “چارەسەركردنی كێشەی مووچەی مووچەخۆرانی هەرێم لە كۆتا رۆژەكانییەتی و یەكلادەبێتەوە “.
دەشڵێت، “من چەند مانگێك لە بەغداد بووم پیلان و عەقڵییەتی ئەوانم خوێندەوە كە نییەتیان چییە بەرامبەر بە هەرێم و دەستكەوتەكانی، لە كۆبوونەوەی ئەنجومەنی وەزیرانی هەرێم لە 11ی 1ی 2025 بە ئامادەبوونی وەزیرە كوردەكان لە بەغداد و بەشێك لە سەرۆكی كوتلە كوردییەكان لە ئەنجومەنی نوێنەران بە وردیی ئەم دۆخەی ئێستام بۆ باسكردن كە روودەدات”.
راشیگەیاند، ئەوەی روودەدات بەرامبەرمان لە بەغداد سێ هۆكارە كە یەكەم، پیلانێكی سیاسیی زاڵمانەیە و بڕیارێكی نادەستووری و نادادیی و دووەم، بانگەشەی پێشوەختەی لایەنەكانە بۆ هەڵبژاردنی ئەنجومەنی نوێنەران و سێیەم، دەستی هەندێك كەس و لایەنی ناوخۆیی ناو هەرێمە كە بەردەوام جێبەجێكاری پیلانەكانی هەندێك لایەنی شۆڤێنیی عێراقین لە هەرێم .
