ئەندامێكی لیژنەی دارایی لە ئەنجومەنی نوێنەرانی عێراق رایدەگەیەنێت، بڕیاری ناردنی ئەو 618 ملیار دینارە بۆ مووچەی مووچەخۆرانی هەرێمی كوردستان قەرز و سولفە نییە، بەڵكو پشكی هەرێمی كوردستانە لە یاسای بودجەی 2024 كە بەپێی ئەو رێژەیەی پێشتر لە یاسای بودجەدا دیاریكراوە.
لە كۆبوونەوەی ئەمڕۆی ئەنجومەنی وەزیرانی عێراقدا بڕیاری ناردنی 618 ملیار دینار بۆ مووچەی مووچەخۆرانی هەرێمی كوردستان درا.
د. نەرمین مەعروف ئەندامی لیژنەی دارایی لە ئەنجومەنی نوێنەرانی عێراق لە لێدوانێكدا بە تۆڕی میدیایی ئێستای راگەیاند، بڕیاری ناردنی ئەو 618 ملیار دینارە بۆ مووچەی مووچەخۆرانی هەرێمی كوردستان قەرز و سولفە نییە، بەڵكو پشكی هەرێمی كوردستانە لە یاسای بودجەی 2024.
وتیشی، “ناردنی ئەو پارەیە بەپێی رێژەی 12.67%ە كە لە یاسای بودجەدا وەكو پشكی هەرێمی كوردستان دیاریكراوە بۆ مووچە دەنێردرێت”.
