عەممار حەكیم پیرۆزبایی لە یەكێتی دەكات

عەممار حەكیم سەرۆكی ڕەوتی حیكمەی نیشتمانی بەبۆنەی هەڵبژاردنی سەرۆك كۆماری نوێی عێراقەوە پەیامێكی پیرۆزبایی ئاراستەی یەكێتیی نیشتمانیی كوردستان و د. لەتیف ڕەشید سەرۆك كۆماری نوێی عێراق دەكات.

لە پەیامەكەی عەممار حەكیمدا هاتووە، “پیرۆزبایی لە گەلی عێراق دەكەم دوای پشوو درێژیی زۆریان بۆ هەنگاوەكانی تەواوكردنی ڕێوشوێنە یاسایی و دەستوورییەكان بۆ پێكهێنانی كابینەی نوێی حكومەتی عێراق كە لەپڕۆسەیەكی دیموكراسیدا ئەنجومەنی نوێنەرانی عێراق توانیان هەنگاوە دەستوورییەكان تەواو بكەن”.

هەر لە پەیامەكەیدا هاتووە، “پیرۆزبایی لە یەكێتی نیشتمانیی كوردستان و د. لەتیف ڕەشید دەكەم و هیوادارم سەرۆك كۆماری نوێی عێراق پارێزەری دەستوور و بێت و ئەو هەنگاوانەی لە پێشتردا كراوە تەواوی بكات و لە ماوەی سەرۆكایەتییەكەیدا هەماهەنگی لەنێوان هەر سێ سەرۆكایەتی كۆمار و حكومەت و پەرلەماندا هەبێت”.

عەممار حەكیم داوادەكات سەرجەم لایەنە سیاسییەكان هەماهەنگی تەواویان هەبێت كە ئەوەش لە پێناو سەقامگیری و ئاسایش و ئۆقرەییە بۆ عێراق.

بابەتی پێشتر

قوباد تاڵەبانی پیرۆزبایی لە سەرۆك كۆماری نوێی عێراق دەكات

بابەتی دواتر

محەمەد شیاع سودانی: بەڵێنێك بە عێراقییەكان دەدات

بابەتی پەیوەندیدار
Total
0
Share