بەڕێوەبەرایەتیی کەشناسیی هەرێم بڵاویکردەوە، لە سبەینێوە شەپۆلێکی بارانبارین هەرێم دەگرێتەوە و لە ناوچە شاخاوییەکان بەفر دەبارێت.
بەڕێوەبەرایەتیی کەشناسیی و بومەلەرزەزانیی هەرێم بڵاویکردەوە، ئەمڕۆ پێنجشەممە ئاسمان نیمچەهەور دەبێت پاشان دەگۆڕێت بۆ هەوری تەواو.
ئاشکراشیکرد، سبەینێ هەینی ئاسمان هەوری تەواو دەبێت لە کاتەکانی بەیانیدا بارانبارین لە ناوچە شاخاوییەکان و سنووری پارێزگای دهۆک دەستپێدەکات و پاشان کاریگەریەکەی درێژ دەبێتەوە بۆ سەر هەندێک لە ناوچەکانی هەرێم، لە هەندێک ناوچە بارانی مامناوەند دەبارێت، لەکاتەکانی دوای نیوەڕۆ لە سەنتەری پارێزگای هەولێر و سلێمانی نمە باران دەبێت، ئەگەری بارینی بەفر لە ناوچە شاخاوییە سنووریەکانی دهۆک و هەولێر هەیە.
لە راگەیەندراوەکەی کەشناسیی هەرێمدا هاتووە، پلەکانی گەرما دابەزین بەخۆیانەوە دەبینن، رۆژی شەممە کاریگەری شەپۆلەکە زیاتر دەبێت.
