لێپرسراوی مەڵبەندی كەركوكی یەكێتی پەیامێك ئاراستەی دەنگدەران دەكات و دەڵێت، “لە هەر شوێنێكن سبەی بگەنە كەركوك و دەنگ بدەن”.
رەوەند مەلا مەحمود لێپرسراوی مەڵبەندی كەركوكی یەكێتیی نیشتمانیی كوردستان پەیامێكی ڤیدیۆیی بڵاوكردووەتەوە و دەڵێت، “ئەمڕۆ رۆژی هیمەتە و خەڵكی كەركوك زۆرترین قوربانی داوە و كەركوك شاری مام جەلال و چاوەڕوانی هیمەتی دەنگدەران دەكەین”.
هەر لە پەیامەكەشیدا دەڵێت،” ئەو كەسانەی ساڵانێكە لە دەرەوەی كەركوكن و دەتانەوێت كوڕ و كچەكانتان بە ئازادی لە شاری كەركوك ژیان بكەن لە هەر شوێنێكن سبەی بگەنە شاری كەركوك دەنگبدەن و ئەم دەنگدانە مێژووییە بۆ داهاتووی رۆڵە و میللەتەكەمان و كاتی ئەوەیە بچینە سەر سندوقەكانی دەنگدان”.
