بەیانی ئەمڕۆ رێورەسمی بەخاکسپاردنی نەواف ئەحمەد سەباح میری کوەیت دەستیپێکرد.
لە سەرەتای رێورەسمەکەدا نوێژی مردوو لەسەر تەرمی کۆچکردوو بە ئامادەبوونی مشعەل جابر سەباح میری نوێی وڵاتەکە ئەنجامدرا و دواتر تەرمەکە بەرەو گۆڕستانی سەلیبخات بەڕێکرا.
دوێنێ شەممە نەواف ئەحمەد سەباح لە تەمەنی 86 ساڵیدا کۆچی دواییکرد، بەو بۆنەیەوە سێ رۆژ پشوو لە سەرانسەری وڵاتەکە و 40 رۆژ ماتەمینی راگەیەندرا.
لە رێورەسمی بەخاکسپاردنی میری کوەیت تەنها کاربەدەستانی وڵاتەکە و کەسوکاری کۆچکردوو ئامادەبوون.
