جێگری سەرۆكی ئەنجومەنی وەزیران، ئەندامێتیی فەخری لە كۆمەڵەی تالاسیمیای كوردستانی پێبەخشرا و لە پەیامێكشیشدا دەڵێت، ” بە هەموو شێوەیەك پشتیوان و هاوكاریان دەبین”.
قوباد تاڵەبانی جێگری سەرۆكی ئەنجومەنی وەزیران لە هەژماری تایبەتی خۆی لە تۆڕی كۆمەڵایەتیی ئینستاگرام پەیامێكی بڵاوكردووەتەوە و رایگەیاندووە، “بە خۆشحاڵییەوە رایدەگەیەنم كە ئەمڕۆ ئەندامێتیی فەخری لە كۆمەڵەی تالاسیمیای كوردستانم پێبەخشرا”.
دەشڵێت، “كارەكانی ئەم كۆمەڵەیە بۆ هۆشیاركردنەوە و ھاوكاریی تووشبووانی تالاسیمیا بە راستی ئیلهامبەخشە و بە هەموو شێوەیەك پشتیوان و هاوكاریان دەبین”.
