فەرماندەیی ناوەندیی ئەمریكا ئەنجامدانی هێرشێكی ئاسمانی بۆ سەر دامەزراوەیەك لە سوریا كە “پاسەوانی شۆڕشی ئیسلامیی ئێران و گروپەكانی سەر بەو” بەكاریدەهێنن، راگەیاند.
بەپێی راگەیەندراوێكی فەرماندەییەكە، بۆردومانەكە لەپاش ئەو “زنجیرە هێرشانەیە بۆسەر ئەمریكییەكان لە عێراق و سوریا”.
دووپاتیشیدەكاتەوە، سەرجەم رێوشوێنە پێویستەكان دەگرنەبەر بۆ بەرگری لە گەلەكەیان دژ بە بەرپرسانی هێرشەكان و، لە كات و شوێنی هەڵبژێردراودا وەڵامدەدەنەوە.
لەماوەی سێ هەفتەی رابردوودا چەندین جار شوێن و ئامانجی هێزەكانی ئەمریكا لە هەرێمی كوردستان، عێراق و سوریا لەلایەن گروپە جیاجیاكانەوە كرانە ئامانج.
