یەکەمین رۆژی فێستیڤاڵی هەنار و پایزی هەڵەبجە بەرێوەچوو، بەپێی ئامارێک زیاتر لە 70 هەزار گەشتیار سەردانی فێستیڤاڵەکەیان کردووە.
بەڕێوەبەرایەتیی گشتیی گەشتوگوزاری هەڵەبجە رایگەیاند، “کۆی گشتی هاتنی گەشتیار لە ڕۆژی یەکەمی فێستیڤاڵەکە 70 هەزار و 200 گەشتیار بووە”.
بەپێی ئاماری بەڕێوەبەرایەتییەکە، لەهەردوو بازگەی زەمەقی و دەرەشیش 35 هەزار و 200 گەشتیار چوونەتە پارێزگای هەڵەبجە.
فێستیڤاڵی هەنار و پایزی هەڵەبجە ساڵانە ئەنجامدەدرێت، ئەمساڵ نۆیەمین خولی فێستیڤاڵەکەیە و ژمارەیەکی بەرچاو خاوەن بەرهەمی ناوخۆیی شمەک و کاڵا و بەرهەمەکانیان نمایش و بەبازاڕ دەکەن، ئەمڕۆ یەکەمین رۆژی فێستیڤاڵەکە بەڕێوەچوو ماوەی دوو رۆژی دیکە بەردوامدەبێت.
