رەوەند مەلا مەحمود ئەندامی كۆنگرەی یەكێتی رایگەیاند، هەموو ئەو ئاوەدانییەی لە كەركوك كراوە پێشتر سەرۆك مام جەلال خۆی سەرپەرشتی دەكرد و لە كاتی هەڵبژاردنەكاندا سەرۆك مام جەلال سەردانی كەركوكی دەكرد و هەموو ئەمانەش وایكردووە كە یەكێتی لە كەركوك بووەتە سیمبولێك بۆ بەرگریكردن لە كەركوك و دانیشتووانەكەی.
راشیگەیاند، لە كەركوك 14 حزبی سیاسی كورد، 13حزبی توركمانی، 16 حزبی عەرەبی و 5 حزبی كلد و ئاشوورییەكان هەن، یەكێتی هەمیشە خۆی كردووەتە قوربانی بۆ كەركوك و دانیشتووانەکەی.
رەوەند مەلا مەحمود باسی لەوەش كرد، دوای كۆنگرە خۆمان ئامادەدەكەین و رێكخستنەكان لە كەركوك یەكدەخەینەوە و وەك یەكێتی لە كەركوك هەمیشە هەوڵدەدەین دەنگ و سەنگی نەتەوەكەمان بپارێزین و هاوڵاتییانی كەركوك هەمیشە چاوەیان لە هەنگاوەكانی یەكێتییە.
