لە بارەی کارەکانی رۆژی دووەمی کۆنگرەی یەکێتی، ئاسۆ مامەند ئەوەی خستەڕوو، “کارەکانی سبەینێی کۆنگرە بۆ لیژنەکان تەرخانکراوە و ئەندامانی کۆنگرەش لە خستنەڕووی تێبینییەکانیان ئازادن”.
ئاسۆ مامەند ئەندامی کۆنگرەی پێنجەمی یەکێتی بە تۆڕی میدیایی ئێستای راگەیاند، “هەموومان دەزانین کە یەکێتیی نیشتمانیی کوردستان حزبێکی گەورەیە و بەرنامەکانی رۆژی یەکەمی کۆنگرەش زۆر بەباشی بەڕێوەچوو”.
ئاماژەی بەوەشکرد، “شەش لیژنە دانراوە و رۆژی دووەمی کۆنگرەکە بۆ ئەو لیژنانە تەرخانکراوە و کارەکانی خۆیانی تێدا دەکەن، ئەو کەسانەش کە ئەندامی کۆنگرەن ئازادن کە تێبینیەکانیان، رەخنەکانیان، پڕۆگرامەکانیان، سکاڵاکانیان پێشکەشی ئەو لیژنانە بکەن”.
سەبارەت بە گرنگی کۆنگرە بۆ کەرکوک ئاسۆ مامەند دەڵێت، “یەکێتی و بەتایبەتی سەرۆک مام جەلال، هەمیشە گرنگی تەواوی بە کەرکوک و ناوچە کوردستانییەکانی دەرەوەی ئیدارەی هەرێم داوە، ئەم کۆنگرەیەش دەبێتە هێزێکی تر بۆ کەرکوک و ئەو ناوچانە”.
