هاوپەیمانیی بەڕێوەبردنی دەوڵەت بە ئامادەبوونی محەمەد شیاع سودانی سەرۆك وەزیرانی عێراق كۆبووەوە و جەختیان لە جێبەجێكردنی یاسای بودجە كردەوە.
میدیاكانی عێراق بڵاویانكردووەتەوە، ئێوارەی ئەمڕۆ هاوپەیمانیی بەڕێوەبەردنی دەوڵەت بە ئامادەبوونی محەمەد شیاع سودانی سەرۆك وەزیرانی عێراق كۆبوونەتەوە و لە كۆبوونەوەكەدا جەخت لە ئامادەكردنی یاسای نەوت و غاز كراوەتەوە.
ئاماژە بۆ ئەوەش كراوە، ئامادەبووانی كۆبوونەوەكە كۆكبوون لەسەرئەوەی پێویستە سەرجەم وەزارەت و پارێزگاكان پابەندبن بە جێبەجێكردنی یاسای بودجەوە.
هەر لەكۆبوونەوەكەدا تاوتوێی ئەنجامی سەردانەكەی شاندی ئەمنیی باڵا بە سەرۆكایەتی وەزیری بەرگریی عێراق كرا بۆ ئەمریكا و جەختكراوەتەوە لەسەر پشتیوانی لە گفتوگۆكان لەگەڵ ئەمریكا بەئامانجی پتەوكردنی سەروەریی خاكی وڵات.
