تەندروستیی سلێمانی رێنماییەكانی خۆپاراستن لە پەتای سكچوون و رشانەوە بڵاودەكاتەوە و داوای پابەندبوون دەكات.
بەڕێوەبەرایەتیی گشتیی تەندروستیی سلێمانی داوا لە هاوڵاتیان دەكات بۆ خۆپاراستن لەو پەتایە لەم وەرزەدا ئەم رێنماییانە جێبەجێ بكەن:
1- پێویستە تانكیی ئاوی خواردنەوە بە بەردەوامی پاكبكرێتەوە، بۆ نمونە لانیكەم شەش مانگ جارێك و دەبێت تانكیی ئاوەكان بە بەردەوام سەری داپۆشراوبێت.
2- سەوزە و میوە بە باشی بشۆردرێتەوە بە ماددەی پەرمەنگەناتی پۆتاسیۆم.
3- خواردنی سەر عەرەبانە و دەستگێڕەكان مەترسیدارن و خۆتیان لێبپارێزە بۆ دووربونت لە نەخۆشیی سكچوون.
4- لەكاتی بینینی هەر سەرپێچییەك كە زیان بە تەندروستیی هاووڵاتیان بگەیەنێت، نزیكترین بنكەی تەندروستی یاخود بەڕێوبەرایەتیی خۆپاراستنی تەندروستیی سلێمانی لێئاگاداربكەرەوە.
5- دڵنیابە لە سەرچاوەی ئاوی خواردنەوەكەت و پاكوخاوێن راگرتنی.
6- نەخواردنی ئەو بەروبوومانەی كە بە ئاوی قورس و پیس ئاو دەدرێت.
7- شوشتنی دەستەكانت بە باشی پێش ئامادەكردنی خواردنەكان و دوای چوونە تەوالێت و پێش نانخواردن.
8- تەنها بەفرگری ماڵەكانتان بەكاربهێنن بۆ ساردكردنی ئاوی خواردنەوە، بەهیچ شێوەیەك سەهۆڵ و بەفری سەرجادە و كۆڵانەكان بەكارمەهێنە رەنگە بە ئاوی پاكژكراو دروست نەكرابێت.
