لە رووداوێکدا لە وڵاتی بەریتانیا لە ئەنجامی تەقینەوەی پاترییەکی پاسکیلێکی کارەباییدا کەسێک گیانیلەدەستدا و زیانێکی ماددی زۆریشی لێکەوتەوە.
رووداوەکە دوێنێ یەکشەممە لە ناوچەی کێنچ تاونی باکووری رۆژئاوای لەندەن لە کاتێکدا روویداوە پاسکیلێکی کارەبایی کراوە بە شەحنەوە، لەو کاتەدا تەقیوەتەوە و ئاگرێکی گەورە دروستبووە.
لە ئەنجامی ئاگرەکەدا پیاوی ماڵەکە گیانیلەدەستداوە و پێنج کەسی دیکەش کە لە ماڵەکەدا ماونەتەوە توانیویانە خۆیان رزگاربکەن.
وێڕای سووتانی ماڵەکە بە تەواوی زیانێکی زۆری ماددی بەر خانووەکانی دەوروبەری کەوتووە.
