بڵاوبوونەوەی وێنەی گرێبەستێكی هاوسەرگیری كە تیایدا مارەیی هاوسەرگیرییەكە بە ئۆتۆمبێلێك و دەمانچەیەك دیاریكراوە، دەنگدانەوەی بەدوای خۆیدا هێناوە و دەسەڵاتی دادوەری هاتەدەنگ.
ئەنجومەنی باڵای دادوەریی عێراق ئەمڕۆ شەممە رایگەیاند، ئەو گرێبەستەی هاوسەرگیری كە وێنەیەكی بڵاوكراوەتەوە و گوایە لە دادگای باری كەسێتیی نەینەوا دەرچوێندراوە ساختەیە.
لە راگەیەندراوێكدا ئەنجومەنی باڵای دادوەریی عێراق دەڵێت، “لە گرێیەستەكەدا مارەیی هاوسەرگیركردنەكە بە دەمانچەیەك و ئۆتۆمبێلێك دیاریكراوە، بەڵام جەختدەكەینەوە كە گرێبەستەكە ساختەیە و لە راستییەوە دوورە، داواش لە گرووپ و پەڕەكانی تۆڕی كۆمەڵایەتی دەكەین بە وریایی و وردییەوە مامەڵە لەگەڵ زانیاریدا بكەن پێش بڵاوكردنەوەی و زانیاری لە سەرچاوەی سەرەكییەوە وەربگرن”.
