دادگای فیدڕاڵیی عێراق لەسەر سکاڵایەکی زیاد جەبار کۆدەبێتەوە، کە سکاڵاکە تایبەتە بە یەک بازنەیی هەڵبژاردن و ژمارەی کورسیی پێکهاتەکان لە پەرلەمانی کوردستان.
بڕیاروایە رۆژی یەکشەممە شەشی ئەم مانگە، دادگای فیدڕاڵیی عێراق کۆببێتەوە و تاوتوێی ژمارەیەک سکاڵای یاسایی بکات، کە یەکێکیان سکاڵایەکی زیاد جەبار سەرۆکی فراکسیۆنی یەکێتییە لە خولی پێنجەمی پەرلەمانی کوردستان.
زیاد جەبار سکاڵای لەسەر سەرۆکی خولی پێنجەمی پەرلەمان و سەرۆکی حکومەت و سەرۆکی هەرێمی کوردستان تۆمار کردووە و داوا دەکات، دادگای فیدڕاڵی ماددەکانی (یەک و نۆ و 15 و 22 و 36)، لە یاسای هەڵبژارنەکانی هەرێمی کوردستان بە نادەستووری دابنێت.
ماددەی یەکی یاسای هەڵبژارنەکانی هەرێم ژمارەی کورسییەکانی پەرلەمانی کوردستانی بە 111 کورسی دیاری کردووە، هەروەها ماددەی نۆ، هەرێمی کوردستانی وەک یەک بازنەی هەڵبژاردن دیاری کردووە، هەروەها ماددە 15 تایبەتە بە تۆماری دەنگدەران و ماددەی 22 لیستی پاڵێوراوی قەوارە سیاسییەکان، ماددەی 36 تایبەتە بە کورسیی پێکهاتەکان.
بابەتی پەیوەندیدار
هێزێكی زۆری ئهمنی به چهكی قورسهوه له بهغداد بڵاوهیان پێكرا
هێزێكی زۆری ئەمنی بە چەكی قورس و تانك و زرێپۆشەوە لە شەقامەكانی بەغداد بڵاوەیان پێكرا. بەپێی هەواڵی میدیا…
07/11/2021
ئەمریكا هەڵوێستی خۆی لەبارەی پەیوەندییەكانی بەغداد و تاران ئاشكرا كرد
لە دیدارێكدا كە لەگەڵ ڕاوێژكاری ئاسایشی نیشتمانیی عێراق ئەنجامیداوە، باڵیۆزی ئەمریكا لە بەغداد ئاشكرایكردووە، پەیوەندییەكانی نێوان عێراق و…
11/04/2021
لیژنەیەکی لێکۆڵینەوە لە هێرشەکان ئەمڕۆ دەگاتە هەولێر
بڕیارە ئەمڕۆ قاسم ئەعرەجی راوێژکاری ئاسایشی نیشتمانی عێراق بگاتە شاری هەولێر. ئەمڕۆ قاسم ئەعرەجی راوێژکاری ئاسایشی نیشتمانی عێراق…
16/01/2024