محەمەد شیاع سودانی سەرۆک وەزیرانی عێراق رایگەیاند، بەشێک لە پشکی هەرێمی کوردستانیان لە بودجە ناردووە، وتیشی، رۆژانە 55 ھەزار بەرمیل نەوت لە ھەرێم وەردەگرن.
دوای کۆبوونەوەی ئەمڕۆی ئەنجومەنی وەزیرانی عێراق، محەمەد شیاع سودانی لە کۆنگرەیەکی رۆژنامەنووسیدا رایگەیاند، ” بەشێک لە پشکی هەرێمی کوردستانمان لە بودجەدا ناردووە”.
لەبارەی رێککەوتنی هەولێر و بەغدادیش وتی، “رێککەوتنەکە بە ئاسایی دەڕوات و ھیچ گرفتێکی نییە” هەروەها وتیشی، “رۆژانە 55 ھەزار بەرمیل نەوتی ھەرێم بۆ پێداویستیی ناوخۆ وەردەگرین و سبەی هەردوو وەزارەتی نەوت و سامانە سروشتییەکانی ھەرێم کۆدەبنەوە”.
