ئەمڕۆ 27ی تشرینی یەکەم بە ئامادەبوونی جێگری سەرۆکی حوکومەت بریکاری وەزیرانی ئاوەدانکردنەوە و نیشتەجێکردن و داد دەستبەکار بوون.
قوباد تاڵەبانی، جێگری سەرۆکی حوکومەتی هەرێم لە ڕاگەیەنراوێکدا دەڵێت، “بە‌شدار بووین لە مەراسیمی دە‌ستبە‌كاربوونی ھە‌ردوو بریكاری وەزیرانی ئاوە‌دانكردنە‌وە و نیشتە‌جێكردن و داد. وێڕای پیرۆزبایی و ھیوای سە‌ركە‌وتن، جە‌ختمان لە خزمە‌تكردنی ھاووڵاتیان و كاری پێكە‌وەیی كردەوە وە‌ك هۆکارێکی گرنگ بۆ باشتر راپە‌ڕاندنی كاروبارە‌كان”.
پێشتریش بە ئامادەبوونی قوباد تاڵەبانی جێگری سەرۆکی حوکومەتی هەرێم بریکاری وەزیری پیشەسازی و بازرگانی و وەزیری ئەوقاف و کاروباری ئاینی دەستبەکار بوون.
