بۆردومانی دوو گوندی هەولێر كرا

پاشنیوەڕۆی ئەمڕۆ دووجار بۆردومانی دوو گوندی سەر بە ناحیەی قوشتەپە لە سنووری پارێزگای هەولێر كراوە.

ئەیوب وەرتێ پەیامنێری تۆڕی میدیایی ئێستا لەهەولێر گواستیەوە، پاشنیوەڕۆی ئەمڕۆ سێشەممە كاتژمێر 2:30 خولەك دووجار گوندەكانی باشتەپە و دۆڵەبەفر لە سنووری ناحیەی قوشتەپەی سەر بە پارێزگای هەولێر بۆردومانكراون”.

وتیشی، دەشتاییەكانی گوندەكە بۆردومانكراون و هیچ زیانێكی گیانی نەبووە، تائێستاش نازانرێت كێ ئەو بۆردومانەی ئەنجامداوە”.

پەیامنێرمان باسی لەوەشكرد، خاوەن زەوییەكانی ئەو ناوچەیە پێیان ڕاگەیاندووە ئەگەری زۆرە بۆردوومانەكە بە تۆپ ئەنجامدرابێت.

وتیشی، لەماوەی چەند ساڵی ڕابردوو بۆردومانی لەمجۆرە لەو ناوچانە ڕوویاننەداوە.

بابەتی پێشتر

زیاتر لە پێنج ملیار ژه‌مه‌ڤاكسینی دژه‌كۆرۆنا لە سەرتاسەری جیهان بەكارهێندراون

بابەتی دواتر

قوباد تاڵەبانی جەخت لەسەر جێبەجێکردنی پلانەکانی چاکسازی دەكاتەوە

بابەتی پەیوەندیدار
Total
0
Share