بەهۆى کارى قیرتاوکردنەوە سبەى رێگایەکى سەرەکى لە سلێمانى دادەخرێت و شارەوانیش داوایەک لە شۆفێران دەکات.
بەشی پرۆژەکانی شارەوانیی سلێمانی لە ئاگادارییەکدا داوا لە سەرجەم هاوڵاتییان بە گشتی و شۆفێران بە تایبەتی دەکات کە سبەی چوارشەممە 28ى ئایار شەقامی سەرەکیی هەواری شار بە هەردوو ئاراستەی رۆشیتن و هاتن بەرەو {پارکی هەواری شار} و {یەکتربڕی کۆبانێ} بەربەستدەکرێت بەمەبەستی قیرتاوکردنی چینی کۆتایی شەقامەکان لە سنووری پڕۆژەکەدا.
دەشڵێت، ئەو کارە لە چوارچێوەی کارەکانی پڕۆژەی فراوانکردنی {شەقامی هەواری شار و ئەندەرپاسی والی}یە کە لەسەر شەقامی سەرەکیی هەواری شار جێبەجێ دەکرێت.
شارەوانیی سلێمانى داواش لە شۆفێران دەکات شەقامە خزمەتگوزارییەکان وەک شەقامی جێگرەوە بەکاربهێنن.
