كۆمسیۆنی هەڵبژاردن وادەی تۆماری هاوپەیمانێتییەكانی بۆ 6ی ئابی داهاتوو دواخست و دەڵێت، وادەكە دواین درێژكردنەوە دەبێت.
جومانە غلای، وتەبێژ بەناوی كۆمسیۆنی باڵای سەربەخۆی هەڵبژاردنەكان لە عێراق رایگەیاند، ئەنجومەنی كۆمسیاران بڕیاری درێژكردنەوەی وادەی تۆماری هاوپەیمانێتییە سیاسییەكانی داوە تا یەكشەممەی داهاتوو 6ی ئاب.
میدیای فەرمیی عێراق لە زاری جومانە ئەوەشی وت، “ئەم درێژكردنەوەیە كۆتاییە و بۆ رەخساندنی بواری فراوانترە بۆ بەشداریكردن لە هەڵبژاردنی داهاتوو”.
ئەمڕۆ دوا وادەی تۆماركردنی هاوپەیمانێتییەكان بۆ هەڵبژاردنی ئەنجومەنی پارێزگاكان بوو، بەر لەوەی بڕیاری درێژكردنەوەی بدرێت.
بڕیارە لە 18ی كانونی یەكەمی داهاتوو هەڵبژاردنی ئەنجومەنی پارێزگاكانی عێراق، جگە لە شارەكانی هەرێم، بەڕێوەبچێت.
